Titelbild

Unser Schulsong

Weidenthaler Kinner

Refrain:
In de Mitt vun Weidenthal steht e großes Haus,
morjens gehen Kinner nei, mittags gehn se raus.
Vum Himberg un vum Klingedaal, Eisekehl un Langedaal,
Weißebach un Mänzedaal, Ratzegass un Sensedaai,
vum Dittsteg, vun de Molledell, vum Hbrdthang un vum Eck,
ach Gott, was hen doch manche Kinner so en weite Weg!
Ach Gott, was hen die arme Kinner so en weite Weg!

1. Strophe
Weidenthaler Kinner sin vor allem brav un still.
Sie machen immer was de Lehrer saacht un was er will.
Am liebschde duhn se, was se solid, des hääßt, sie machen als
bloß des, was se aa derfe,
des schont un stärkt die Nerve.
Sie sin die brävschde in de Palz,
die meischde, jedenfalls!

2. Strophe
Weidenthaler Kinner sin'besonders schlau un g'scheit.
Sie heeren zu un denken mit, weil des is wichdich heit.
Sie klaun em Lehrer jedes Wort, wann der net uffbasst als,
bevor er sich hot lahm ün wund
gebabbelt, direkt ausem Mund,
sie sin die schlauschde in de Palz,
die meischde, jedenfalls!

3. Strophe
Weidenthaler Kinner, voller Fleiß, wie jeder wääß.
Sie schreiwen sich am liebschde stunnelang die Finger hääß.
Statts Fernsehgucke machen se ehr Hausuffgabe als.
Krien se zu wennich, wem se krank,
doch des is selten, Gott sei Dank.
De greeschde Eifer in de Palz,
den hen se jedenfalls!

4. Strophe
Weidenthaler Kinner sin, do fiehrt ken Weg drumrum,
intelligent, wie rher so saacht, des hääßt sie sin net dumm!
Des hot e langi Tradition. In frieh're Zeite als,
die Alde warn schun ganz genau
so brav, so fleißig un so schlau!
Des will was hääße in de Palz,
die meischde jedenfalls!

5. Strophe
Weidenthaler Kinner drum, genau so wie die Alde,
hen in de Schul ebbes gelernt un manchmol aa behalde.
So isses heit, so isses morje, so war's frieher als:
Egal wer hockt uff wellem Stuhl,
sie warn all in de selwe Schul,
seit hunnert Johr schun, jedenfalls,
mitte in de Palz!

Noten und Text öffnen

Grundschule Weidenthal • Langentalstr. 3 • 67475 Weidenthal • Tel: 06329/511 • Mail: info@gs-weidenthal.de
Impressum :: Redaktion